BE.576 
PUJI MA DEBATANTA

Ayat 1
Puji ma Debatanta O huriaNa I
Tapuji ma Tuhanta hamu ruasNa i.
Nang gok pe parungkilon nang hasusaan I
Ndang pola ho mabiar jonok do Tuhan I

Ayat 2
Ho do naung pinillit na marhite hata i.
Nunga diuarihon marhite padan I,
Ingkon parmuduonNa, dilele musu I
Tuhanta ma haposi haporseai ma i.

Ayat 3
Ina na pantas roha, Na holong roha I
tung so tadingkononna, tinubuhon na I,
nang holong ni Tuhanta, ndang olo mose I
tung so tadingkononNa ho hasianNa i.

Ayat 4
Antong unang mabiar hamu na Kristen I
Ditongos Pangurupi di parmaraan I,
Ditongos apul-apul Sipalas roha i.
Malua sian dosa sude ruasNa i.

Ayat 5
Ndang dung tarsolsol bagi Tuhan na songkal I
Dipadan binahenNa, tu huriaNa I,
Tongtong parmuduonNa, marhite Hata I
Ulaon nabadia nang pandidion i.

Ayat 6
Tapuji Debatanta parasi roha i.
Angka pasupasuna, ndang hasuhatan I
Ibana pasadahon sude ruasNa I
Sai dipadimun-dimun nuaeng nang sogot i.
